Ish-kryetari i Kuvendit të Kosovës, Jakup Krasniqi ka mbërritur në fshatin Negroc te varri i vëllait të tij, Azem Krasniqi.
Ai është i shoqëruar me rreth 10 vetura të EULEX-it.
Krasniqi u lirua për dy ditë nga Dhomat e Specializuara të Kosovës në Hagë për të qenë afër familjes së tij pas vdekjes së vëllait të shtunën.
Me anë të një kumtese, nga ky institucion bëjnë të ditur se për arsye humanitare bindëse, Trupi Gjykues ka udhëzuar Zyrën Administrative që të menaxhojë një vizitë nën mbikëqyrje të Krasniqit në Kosovë për të takuar familjen e ngushtë.
“I akuzuari mbetet në paraburgim të Dhomave të Specializuara. EULEX dhe Policia e Kosovës po mbështesin Dhomat e Specializuara të Kosovës”, thuhet tutje në njoftim.
