21/06/2024

Studim i ri/ Filizat e brokolit një ‘bombë’ përfitimesh për shëndetin! Ja çfarë i ndodh trupit tuaj nëse i konsumoni

të fundit...

- Advertisement -spot_img

Përveç erës së çuditshme dhe shijes së veçantë, brokoli fsheh një sërë përfitimesh të rëndësishme shëndetësore dhe duhet konsumuar rregullisht

Vetive të tij të dobishme tashmë të njohura, një ekip hulumtues nga Universiteti Metropolitan Osaka i ka shtuar edhe një tjetër, jashtëzakonisht të rëndësishëm: Sipas botimit përkatës në Redox Biology, filizat e brokolit përmbajnë një përbërje bimore, e cila është shoqëruar me veti terapeutike kundër kushteve të rënda, si kanceri dhe sëmundjet neurodegjenerative.

Studime të shumta kanë zbuluar se ngrënia e perimeve krucifere si brokoli mund të zvogëlojë rrezikun e sëmundjeve të ndryshme, si diabeti dhe kanceri, falë disa përbërësve bimorë, si glukozinolatet dhe izotiocianatet, efektet antioksiduese të të cilave promovojnë shëndetin. Megjithatë, veprimi i një përbërjeje tjetër, polisulfideve, nuk është studiuar mjaftueshëm deri më tani. Polisulfidet gjenden kryesisht në perime si hudhra dhe qepa dhe besohet se kanë veti të dobishme, duke ndihmuar në mbrojtjen e zemrës dhe enëve të gjakut. Në të njëjtën kohë, ato forcojnë mbrojtjen e trupit ndaj dëmtimeve dhe ndihmojnë në ruajtjen e presionit të gjakut në nivele normale.

Studiuesit vendosën të hetojnë nivelet e polisulfidit në filizat e brokolit ndërsa ato pësojnë mbirje dhe rritje. Hulumtimi i tyre u bazua në punën e mëparshme, e cila kishte gjetur një bollëk të molekulave polisulfide në perimet kryqëzore. Studimi zbuloi se përmbajtja totale e polisulfidit në filizat e brokolit u rrit me gati 20 herë gjatë fazave të mbirjes dhe rritjes. Gjetjet e reja nxjerrin në pah filizat e brokolit si një zgjedhje edhe më të shëndetshme për t’u ngrënë në krahasim me brokolin e pjekur, pasi ato përmbajnë 7 herë më shumë polisulfide.

“Zbulimi i pranisë në mënyrë të konsiderueshme të rritur të polisulfideve në brokoli gjatë procesit të mbirjes, sugjeron se këto komponime mund të luajnë një rol të rëndësishëm në procesin e mbirjes dhe rritjes së bimëve. Hulumtimi i mëtejshëm i funksionit farmakologjik të këtyre elementeve të panjohur, mund të çojë në zhvillimin e qasjeve të reja parandaluese dhe terapeutike dhe medikamenteve për sëmundjet e lidhura me stresin oksidativ si goditje në tru, kancer, inflamacion dhe sëmundje neurodegjenerative”, tha Dr. Shingo Kasamatsu, asistent profesor i Shkollës së Lartë të Shkencave në Universitetin Metropolitan Osaka.

- Advertisement -spot_img

Me te lexuarat...

- Advertisement -spot_img

Lajmet tjera...