Presidenti turk, Recep Tayyip Erdogan e ftoi presidentin e SHBA-së, Donald Trump në Ankara gjatë një telefonate mes dy liderëve, njoftoi Drejtoria e Komunikimit të Turqisë.
Gjatë takimit, sipas të njëjtit njoftim, u diskutuan marrëdhëniet dypalëshe midis Turqisë dhe SHBA-së, si dhe çështjet rajonale dhe globale.
Erdogan deklaroi se Turqia do të vazhdojë të ndërmarrë hapa për të nxitur bashkëpunimin me Shtetet e Bashkuara në shumë fusha, veçanërisht në industrinë e mbrojtjes.
Sipas njoftimit të presidencës turke, Erdogan shmangu përsëritjen e kundërshtimeve turke ndaj rolit të SHBA-së në Siri, duke mirëpritur përpjekjet e tyre për të lehtësuar sanksionet kundër Sirisë.
Lidhur me luftën midis Rusisë dhe Ukrainës, presidenti turk shprehu mbështetjen e tij për qasjen e Trump për t’i dhënë fund luftërave dhe se ai vlerëson procesin e negociatave me Iranin dhe përpjekjet që po bëhen për t’i dhënë fund luftës Rusi-Ukrainë.
Erdogan iu referua gjithashtu Lindjes së Mesme, duke theksuar se Turqia është e gatshme të bashkëpunojë dhe të ofrojë të gjitha llojet e mbështetjes për të arritur një armëpushim dhe për të siguruar paqe të qëndrueshme në Gaza.
Siç është raportuar nga presidenca turke, Trump e përshkroi bisedën si produktive dhe iu referua ftesës së Erdoganit për të vizituar Turqinë, duke i bërë gjithashtu një ftesë udhëheqësit turk për të vizituar Uashingtonin.
