Katër persona kanë vdekur si pasojë e një aksidenti të rëndë, ku tre prej viktimave janë shqiptarë, banues në Plavë.
Katër persona kanë vdekur pas një aksidenti tragjik mbrëmjen e së hënës në Barane, afër Plavës në Mal të Zi.
Pas përplasjes së dy veturave ballë për ballë, kanë mbetur të vdekur katër persona, ku tre prej tyre janë shqiptarë dhe një malazez.
Mediat malazeze kanë raportuar se të vdekur kanë mbetur M. Mekuli, E. Haxhaj, 26 vjeç bashkë me bashkëshorten e tij, M. Haxhaj 20 vjeçe dhe malazezi N.Cirkoviç.
M. Mekuli pas ngjarjes është dërguar në spital, por për shkak të plagëve të rënda, ai nuk ka arritur të mbijetoj. Lajmin për ndarjen nga jeta të tij e e ka bërë të ditur drejtori i spitalit në Barane, Milorad Magdelini.
