Klubi i Futbollit Trepça ’89 ka bërë të ditur gjatë katër ditëve të fundit, tri herë i janë thyer hyrjet e stadiumit, ku janë vjedhur gjësende me vlerë.
Sipas njoftimit, nga stadiumi janë vjedhur pajisje elektronike e makineri për rregullimin e fushës, teksa thuhet se rastet e tilla janë të paarsyeshme e sidomos në një klub sportiv.
“Kjo është edhe për arsye të kushteve shumë të dobëta të Stadiumit “Riza Lushta” ku vrimat për të hyrë në Stadium janë të panumërta”, thuhet në njoftimin e klubit, transmeton Klankosova.tv.
KF Trepça ’89 i ka bërë thirrje Policisë së Kosovës që të merren seriozisht dhe t’i ndalojnë rastet e këtilla./klankosova
