Parlamenti Evropian zgjodhi Ursula von der Leyen për pesë vjet të tjera si presidente të Komisionit Evropian, duke zgjedhur stabilitetin dhe vazhdimësinë për institucionin më të fuqishëm të BE-së dhe bllokun.
Ishin 284 vota kundër, 15 abstenime dhe 7 vota të shpallura të pavlefshme. Von der Leyen kishte mbështetjen e tre grupeve kryesore pro-BE.
Në javët dhe muajt përpara votimit, disa ligjvënës brenda atyre grupeve të qendrës thanë se nuk do të votonin për të, duke e detyruar atë të kërkonte mbështetje nga jashtë koalicionit të saj aktual, duke përfshirë të Gjelbërit me prirje të majtë.
Tani që von der Leyen ka mbështetjen e Këshillit Evropian dhe Parlamentit Evropian, do të fillojë të mbledhë Komisionin e saj të ri Evropian. /Telegrafi/
