Që nga dita e premte në Gjakovë po vazhdojnë kërkimet për gruan që është hedhur nga ura e Fshajt.
Policia e Kosovës kishte informuar se gruaja kishte rënë nga ura rreth orës 10:00, ditën e premte, ndërkaq deri tani ende nuk është gjetur viktima.
Zëdhënësi i Policisë së Kosovës për Rajonin e Gjakovës, Sheremet Elezaj ka thënë se kërkimet po vazhdojnë.
“Njësitet e kërkim – shpëtimit janë duke vazhduar kërkimet, por deri tani ende nuk është gjetur viktima”, tha ai.
