Zvicra ka bërë thirrje për heqjen e menjëhershme të bllokadës humanitare të vendosur nga Izraeli në Gaza për më shumë se dy muaj, transmeton Anadolu.
Ministria e Punëve të Jashtme e Zvicrës ndau një postim në X në lidhje me situatën në Gaza, e cila ndodhet nën sulmin dhe bllokadën intensive izraelite.
“Zvicra është e shqetësuar për tragjedinë humanitare në Gaza dhe rreziqet e raportuara të urisë. Izraeli duhet të heqë menjëherë bllokadën. Ndihma humanitare duhet të sigurohet urgjentisht në përputhje me ligjin ndërkombëtar humanitar dhe parimet e vendosura humanitare. Zvicra është e gatshme të mbështesë partnerët e saj në këtë përpjekje”, tha MPJ e Zvicrës.
Në postim bëhet thirrje për sigurimin e menjëhershëm të armëpushimit në Gaza dhe lirimin e të gjithë të burgosurve.
