Presidentja Vjosa Osmani i ka falënderuar sot të gjithë ata që kanë dhënë kontribut për lirinë dhe çlirimin e Kosovës në 24-vjetorin e saj.
Ajo para mediave ka theksuar se 12 qershori është dita më e rëndësishme.
“Sot shënojmë përvjetorin e një prej ditëve më të rëndësishme në historinë e kombit tonë, një prej ditëve më të rëndësishme në historinë e Republikës së Kosovës, ditën kur shteti ynë u çlirua, pas një luftë që rezultoi me një gjenocid ndaj një populli të pafajshëm, popullit të Republikës së Kosovës”, ka thënë Osmani.
