Sot (e shtunë) u zhvillua derbi i qytetit mes Liverpool dhe Everton në kuadër të javës së nëntë në Ligën Premier, sfidë në të cilën triumfues doli ekipi i Liverpoolit me shifrat 2-0.
Mohamed Salah ishte protagonist kryesor në këtë ndeshje pasi shënoi të dy golat për skuadrën e Jurgen Klopp.
Golin e parë egjiptiani e shënoi në minutën e 75-të nga penalltia të cilën e fitoi kolumbiani Luis Diaz. Të dytin personal dhe të fundit për Liverpoolin në këtë ndeshje Salah e shënoi në minutën e 97-të pas një asistimi nga Darwin Nunez.
Pas kësaj ndeshje Salah kap shifrën e 195 golave me fanellën e “The Reds”, teksa me shumë gjasë ky pritet të jetë sezoni i tij i fundit në Angli pasi që interesim të madh për të ka shprehur Arabia Saudite.
Pavarësisht se ndeshja me Everton ishte një nga më intensivet emocionalisht për tifozët e Liverpool-it, Salah nuk i festoi golat në një “Anfield” të mbushur plot.
Arsyeja për këtë është se ai donte të solidarizohej me palestinezët, të cilët janë vrarë javën e fundit si pasojë e bombardimeve izraelite në Gaza, duke vrarë mijëra persona./Telegrafi/
