Ministri i Financave, Punës dhe Transfereve, Hekuran Murati, ka njoftuar se numri i inspektorëve ka shkuar në 66, prej 22 sa ishin, ndërsa bëri të ditur se ky numër do të vazhdojë të rritet.
Ai ka shkruar në Facebook të hënën se krahas numrit, janë shtuar edhe kontrollet dhe gjobat për bizneset që s’e respektojnë Ligjin e Punës.
“Edhe një lajm i mirë: Numri i inspektorëve të punës shkon në 60, nga 22 sa ishte. Pra, gati trefishim i numrit, dhe ende do të rritet. Krahas numrit, janë shtuar edhe kontrollet dhe gjobat për bizneset që nuk respektojnë Ligjin e Punës dhe të drejtat e punëtorëve. Ka shumë sfida, por gradualisht dhe sigurt po e bëjmë ndryshimin”, thuhet në njoftimin e tij.
