Një ngjarje e rëndë ka ndodhur në fshatin Tervol të Gramshit pasditen e kësaj të premteje.
Korrespondenti i Euronews Albania, bën me dije se një person ka ekzekutuar me armën e gjahut gruan e vet dhe të vëllanë. Policia ka mbërritur në vendngjarje dhe është në ndjekje të autorit të krimit.
Burime bëjnë me dije se autori është shtetasi 75-vjeçar Xhevit Sinani. Ndërkohë që viktimat janë identifikuar si Shaqir Sinani, vëllai i autorit dhe bashkëshortja Zeqine Sinani.
– Advertisement –
Ende nuk dihen shkaqet apo rrethanat e këtij krimi të rëndë në familje.
“Dyshohet se shtetasi Xh. S, rreth 75 vjeç, ka vrarë bashkëshorten Z.S dhe vëllanë Sh.S.
Shërbimet e Policisë janë nisur urgjent në vendngjarje dhe po punojnë për kapjen e autorit”, bën me dije policia./euronewsal
