Përmendja e Zotit të Arshit, në fshehtësi dhe në publik,
e largon prej teje brengën dhe mërzinë,
i sjell të mirat e dynjasë dhe të ahiretit,
dhe i largon vesveset kur të vijnë.
I zgjedhuri (Muhamedi, lavdërimi dhe paqja e Allahut qofshin për të) një ditë i lajmëroi shokët e tij,
se ata që shumë e përmendin Allahun paraprijnë.
E porositi Muadhin që ndihmë të kërkojë nga Zoti i tij,
t’ia lehtësojë përmendjen, falënderimin dhe ibadetin e Tij.
E porositi tjetrin që erdhi të këshillohet,
se dispozitat e Islamit i janë shtuar,
le të jetë vazhdimisht gjuha jote e njomë nga të përmendurit e Allahut,
do të lumturohesh dhe kjo do të të ndihmojë në të gjitha çështjet e tua.
Dijetari Abdurrahman es-Sa’dij, Allahu e mëshiroftë.
Nga arabishtja: Irfan JAHIU
