13/06/2024

Feith: ShBA-ja po e humb durimin me Kosovën

të fundit...

- Advertisement -spot_img

Nuk po sheh vullnet të mjaftueshëm as nga Kosova e as nga Serbia për zbatimin e Marrëveshjes së Ohrit.
Por, ish-përfaqësuesi special i Bashkimit Evropian në Kosovë, Pieter Feith, thotë së është Prishtina ajo që do t’i vuaj më shumë pasojat nga mungesa e progresit në dialog me Serbinë.

Marrëveshja e Ohrit, siç thotë ai, ka një rëndësi të madhe, sepse do t’i hapte rrugë Kosovës që të anëtarësohej në organizata ndërkombëtare.

“Është për të ardhur keq sepse nuk ka vullnet politik nga asnjëra palë që të bëhet progres i mëtutjeshëm, por ne veçanti mendoi se Kosova do t’i vuaj më shumë pasojat. Nëse palët e marrin seriozisht marrëveshjen e arritur në Ohër, atëherë gjërat të do të lëviznin përpara dhe kjo do t’i ndihmonte Kosovës që të anëtarësohej në organizata të ndryshme ndërkombëtare si dhe në Kombet e Bashkuara”, u shpreh Feith.
Diplomati holandez thotë se Shtetet e Bashkuara të Amerikës janë duke e humbur durimin me Kosovën, për shkak se kjo e fundit nuk është duke bërë progres të mjaftueshëm.

Feith e potencon se SHBA-të asnjëherë më parë nuk kanë pasur një qasje kaq kritike ndaj Kosovës, dhe kjo sipas tij është shqetësuese.

“E shoh se Shtetet e Bashkuara të Amerikës kanë qëndrim kritik ndaj qeverisë së Kosovës, dhe kjo është e paprecedent. Duket qartë se administrata e Biden është duke e humbur durimin me Kosovën, për shkak të progresit të ngadalshëm. Unë nuk e kam parë më herët një qëndrim kaq kritik të SHBA-së karshi Kosovës që kur kjo e fundit ka shpallur pavarësinë në vitin 2008. Do të ishte me të vërtet një tragjedi për Kosovën, nëse ajo e humbet mbështetjen e Shteteve të Bashkuara”, deklaroi ai.

- Advertisement -spot_img

Me te lexuarat...

- Advertisement -spot_img

Lajmet tjera...