Të enjten do të mbahen takime për “Marrëdhëniet e NATO-s me Bosnje-Hercegovinën” dhe “Marrëdhëniet e NATO-s me Serbinë”.
12 tetor 2022
Fillon sot në Bruksel takimi dyditor i ministrave të mbrojtjes të vendeve anëtare të NATO-s.
Ky do të jetë takimi i parë i ministrave të mbrojtjes që nga samiti i NATO-s në Madrid në qershor dhe i pari që Finlanda dhe Suedia do të marrin pjesë si vende të ftuara për t’u anëtarësuar në Aleancë, raporton Al Jazeera Balkans
Siç u njoftua, ministrat e mbrojtjes dhe shefat e mbrojtjes nga gati 50 vende do të diskutojnë luftën në Ukrainë dhe, siç thanë ata, do të vazhdojnë koordinimin e ngushtë për t’i siguruar popullit ukrainas burimet e nevojshme për të mbrojtur territorin e tyre sovran.
Ministrat do të diskutojnë edhe zbatimin e vendimeve të miratuara në Madrid dhe do të japin udhëzime për veprime të mëtejshme.
Tre informime mbi Ballkanin Perëndimor
Programi i konferencës ministrore përfshin një takim të Grupit të Kontaktit për Mbrojtjen e Ukrainës, ndërsa takimi i Grupit të NATO-s për Planifikimin Bërthamor është planifikuar për të enjten.
Një seri informimesh do të mbahen mbi funksionimin e aleancës ushtarake perëndimore në terren dhe se si ata i shohin planet dhe parashikimet në të ardhmen, duke përfshirë dy për Ukrainën dhe tre për Ballkanin Perëndimor.
Gjatë ditës së parë të takimit ministror do të mbahet një brifing mbi “Ngjarjet aktuale në fushën e betejës ukrainase” dhe për “ndihmën e NATO-s për Ukrainën”, si dhe për përfshirjen e NATO-s në Kosovë.
