29/02/2024

Gaza, rritet në 17.177 numri i palestinezëve të vrarë nga sulmet izraelite

të fundit...

- Advertisement -spot_img

Rreth 70 për qind e viktimave janë fëmijë dhe gra, tha Ministria e Shëndetësisë në Gaza

Numri i të vdekurve palestinezë nga sulmet e vazhdueshme izraelite në Rripin e Gazës është rritur në 17.177 që nga 7 tetori, tha sot Ministria e Shëndetësisë në enklavën e bllokuar, raporton Anadolu.

“Rreth 70 për qind e viktimave janë fëmijë dhe gra”, tha zëdhënësi i ministrisë Ashraf al-Qudra në një konferencë për shtyp.

Ai tha se 46.000 njerëz të tjerë janë plagosur në sulmet e Izraelit në territorin e bllokuar palestinez.

“Të paktën 290 mjekë u vranë, 102 ambulanca u shkatërruan dhe 160 qendra të kujdesit shëndetësor u shënjestruan në sulmet izraelite, ndërsa 20 spitale dhe 46 qendra të kujdesit parësor u nxorën jashtë shërbimit”, tha al-Qudra.

“Ne po përballemi me vështirësi në numërimin e dëshmorëve dhe të plagosurve për shkak të sulmeve të vazhdueshme dhe ndërprerjes së komunikimit”, shtoi ai.

Izraeli rifilloi ofensivën e tij ushtarake në Rripin e Gazës më 1 dhjetor pas përfundimit të një pauze humanitare njëjavore me Hamasin.

Izraeli nisi një fushatë masive ushtarake kundër Rripit të Gazës pas një sulmi ndërkufitar nga Hamasi më 7 tetor, gjatë të cilit u vranë 1.200 izraelitë, sipas shifrave zyrtare.

- Advertisement -spot_img

Me te lexuarat...

- Advertisement -spot_img

Lajmet tjera...