Pas disa ditësh që qëndroi i mbyllur, sot hapet për qarkullim pikë kalimi kufitar në Bërnjak.
Lajmin për Telegrafin e ka konfirmuar zëvendësdrejtori për veriun e Mitrovicës, Veton Elshani.
Sipas tij, në këtë pikë kalim hapja për qarkullim është bërë sot rreth orës 08:00 të mëngjesit.
Ndërkaq, pikë kalimi kufitar në Jarinje ende është duke qëndruar i mbyllur për qarkullim.
Ndryshe, mbyllja e kësaj pike ishte si pasojë e zhvillimeve të fundit në veri, ku Policia e Kosovës u sulmua me arsenal armësh zjarri, ku një polic u vra, një tjetër u plagos dhe një ka mbetur i lënduar. /Telegrafi/
