Kina do të kufizojë eksportin e dronëve me rreze të gjatë veprimi për shkak të frikës se po shfrytëzohen në luftën e Ukrainës.
Pekini thotë se do të kufizojë eksportin e disa pajisjeve civile me performancë të lartë për shkak të “rrezikut në rritje” që ato po përdoren për “qëllime jopaqësore”.
Si Rusia ashtu edhe Ukraina kanë akuzuar njëra-tjetrën se kanë sulmuar ndërtesat civile me dronë ditët e fundit, duke përfshirë një në rrethin financiar të Moskës.
Qeveria e Xi Jinping ka miratuar zyrtarisht një qëndrim neutral ndaj pushtimit rus të Ukrainës – pavarësisht lidhjeve miqësore me Moskën, raporton skynews.
Firma kineze, DJI Technology Co – një nga konkurrentët kryesorë të industrisë globale – është tërhequr gjithashtu nga Ukraina dhe Rusia për të parandaluar përdorimin e dronëve të saj në luftime.
Pekini është kritikuar prej të dyja palëve se mund të përdorin drone të prodhuar nga Kina për zbulim dhe ndoshta sulme në Ukrainë. /Telegrafi/
