19/06/2024

Klinaku: Nëse ZPS-ja më ka përgjuar edhe mua në Hagë, bëjnë mirë që ta publikojnë

të fundit...

- Advertisement -spot_img

Ushtruesi i detyrës së kryetarit të OVL të UÇK-së, Faton Klinaku ka reaguar në lidhje me publikimin e disa bisedave në Qendrën e Paraburgimit mes Thaçit, Veselit e Selimit me vizitorë nga ZPS.

Përmes një statusi në rrjetin e tij social në Facebook, ai ka thënë se bëjnë mirë që të publikojnë edhe bisedën e tij me bashkëluftëtarët e tjerë në Hagë, pasi siç shprehet ai ata kanë folur vetëm realitetin.

“Nëse ZPS më ka përgjuar edhe mua kur kam qenë në vizitë të 8 bashkëluftëtarëve në Hagë, mirë bëjnë që ta publikojnë, sepse veç për realitetin kemi folur”, ka shkruar Klinaku.

Ndryshe, Gjykata Speciale ka vendosur që Hashim Thaçit, Kadri Veselit dhe Rexhep Selimit t’u pezullohen vizitat dhe të gjitha komunikimet, pasi Zyra e Prokurorit të Specializuar ka pretenduar se të akuzuarit kanë shkelur urdhrat e trupit gjykues duke zbuluar informata konfidenciale të dëshmitarëve të mbrojtur ose edhe pjesë të dëshmive të tyre për personat që i vizituan.

- Advertisement -spot_img

Me te lexuarat...

- Advertisement -spot_img

Lajmet tjera...