20/06/2024

Komandanti i ri i KFOR-it: Detyrën po e marr në një periudhë të ndjeshme në të cilën po kalon Kosova

të fundit...

- Advertisement -spot_img

Në Prishtinë është mbajtur ceremonia e emërimit të komandantit të 28-të të Misionit të NATO-s në Kosovë, (KFOR).
Komandanti i deritanishëm, gjeneralmajori i ushtrisë italiane Agenlo Michele Ristuccia, ia ka dorëzuar komandën gjeneralmajorit turk, Ozkan Ulutas.

Gjeneralmajori turk, Ozkan Ulutas në fjalën e tij të parë pasi mori detyrën e re, u shpreh se ndjehet i nderuar që do të nis këtë rrugëtim si komandant i ri i KFOR-it në Kosovë.

“Si komandanti i parë turk që mori përsipër këtë mision, e kuptoj rëndësinë e përgjegjësisë që kam marrë përsipër. Do të doja të shfrytëzoj rastin për të shprehur mirënjohjen time për autoritetet kombëtare dhe të NATO-s, të cilët më besuan këtë detyrë”, ka deklaruar Ulutas.
Ozkan Ulutaş u shpreh se po merr komandën në një periudhë të ndjeshme në të cilën po kalon Kosova, për çka u zotua se do të punojë me vendosmëri.
“Përveç ndjenjave të larta dhe të fuqishme që krijojnë te individët të cilëve u janë besuar detyrat e rëndësishme, ato sjellin me vete edhe përgjegjësi të mëdha. Duke qenë i vetëdijshëm për përgjegjësinë e vendosur mbi supet e mia në këtë periudhë të ndjeshme nëpër të cilën po kalon Kosova, po e marr komandën me vendosmërinë për të bërë të gjitha përpjekjet dhe përvojën time për të siguruar që kjo njësi e shquar të shërbejë me sukses në të ardhmen siç ka bërë në të kaluarën”, theksoi gjeneral Ulutaş. /Telegrafi/

- Advertisement -spot_img

Me te lexuarat...

- Advertisement -spot_img

Lajmet tjera...