18/06/2024

Kovaçevski: Nuk ka asnjë amnisti me ndryshimet në Kodin Penal

të fundit...

- Advertisement -spot_img

“Kjo nuk do të thotë falje apo amnisti për askënd, këtë e tha edhe presidenti Stevo Pendarovski, i cili është profesor i shkencave juridike. Unë jam profesor i Shkencave Ekonomike. Nëse e lexoni ligjin, do të shihni se nuk ka falje për askënd, por specifikim të krimeve të kryera nga dikush”, tha kryeministri Dimitar Kovaçevski, kur u pyet për ndryshimet në Kodin Penal.

Ai tha se dikush po mundohet të paraqesë se me këto ndryshime të Kodit Penal nuk do të dënohen veprat që kanë të bëjnë me prokurimin publik.

“Në Kodin Penal ka një vepër penale specifike për abuzim gjatë organizimit të prokurimit publik. Ajo që është bërë në të kaluarën është bërë e gjitha sipas një neni të përgjithshëm shpërdorimi i pozitës zyrtare. Tani saktësohet se çfarë ka bërë personi, në të kaluarën ka ndodhur që në të njëjtin nen ka pasur dhjetë të pandehur dhe ku pas dhjetë vjetësh dikush u vërteton se kush çfarë ka bërë. Nëse akuzoni dikë për atë që ka bërë konkretisht, atëherë procedura është më efikase dhe më efektive. Dënimi është më i shpejtë dhe sigurisht që pason konfiskimi i zgjeruar”, tha Kovaçevski.

Ai shtoi se një nga debatet në opinion ishte se procedurat zgjasin me vite dhe paraburgimet zgjasin me vite dhe se këto ndryshime kanë për qëllim ndryshimin e këtyre gjërave.

“Nëse do të kishte falje, dikush do të ishte falur deri më tani, sepse presidenti e ka nënshkruar Dekretin për ligjin”, tha Kovaçevski./Telegrafi/

- Advertisement -spot_img

Me te lexuarat...

- Advertisement -spot_img

Lajmet tjera...