Anëtari i Knesset-it, Matan Kahana, nga partia Uniteti Kombëtar, ka thënë se përfundimi i luftës me Iranin është një mundësi për një marrëveshje me Hamasin për shkëmbimin e pengjeve izraelite në Gaza me të burgosur palestinezë në burgjet izraelite.
Në një postim në rrjetin social X, i verifikuar nga ekipi i verifikimit të fakteve të Al Jazeera, Kahana publikoi pamje nga një protestë kundër qeverisë dhe shkroi: “Të thuash se një marrëveshje = dorëzim, është krejtësisht e shkëputur nga realiteti.”
Kahana më parë ka bërë thirrje publike që qeveria e kryeministrit Benjamin Netanyahu të arrijë një marrëveshje për lirimin e pengjeve që mbahen në Gaza.
Në postimin e tij të së shtunës, ai shtoi se Izraeli “e ka shkatërruar Hamasin” dhe se do të vazhdojë të “veprojë me dorë të fortë kundër armiqve në Gaza”. /mesazhi
