14/04/2024

Kurti: Serbia çdo javë shkel Marrëveshjen e Brukselit, BE-ja nuk merr masa

të fundit...

- Advertisement -spot_img

Kryeministri i Republikës së Kosovës, Albin Kurti, ka vazhduar me akuzat ndaj shtetit të Serbisë se vazhdimisht po shkel Marrëveshjen e Brukselit, duke bërë fushatë agresive kundër anëtarësimit të Kosovës në organizata ndërkombëtare, raporton Gazeta Sinjali.

Kurti është shprehur se problemi më i madh është që Bashkimi Evropian nuk merr masa nëse Serbia shkel marrëveshjet.

“Por çdo javë pala serbe po shkel marrëveshjen, veçanërisht nenin e katërt: ata po bëjnë një fushatë agresive kundër përfshirjes së Kosovës në organizatat ndërkombëtare. Veç kësaj, presidenti Vuçiq nuk e ka nënshkruar marrëveshjen: thotë se nuk e ka pranuar në përmbajtje, por vetëm si koncept. Problemi më i madh është se BE-ja nuk merr masa nëse Serbia shkel marrëveshjet”, ka deklaruar kryeministri në një intervistë për gazetën gjermane Stern.
Lideri i ekzekutivit përfundoi se nuk pret asgjë nga zgjedhjet në Serbi.

“Janë vetëm zgjedhje parlamentare dhe në Serbi presidenti vendos gjithçka. Mendoj se Serbia ka marrë një vendim gjeopolitik: nuk do të shkëputet nga Rusia. Dhe ata janë aq agresivë ndaj Kosovës sepse duan t’u dëshmojnë rusëve se janë një përfaqësues besnik. Mendoj se do të kishte efekt nëse BE-ja dhe SHBA-ja do të përdornin vërtet shkopin e tyre kundër Beogradit. Nëse, për shembull, ata do të rivendosin një kërkesë për vizë ose do të ngrinin ndihmën financiare sepse Serbia po sillet si një përfaqësues i Rusisë, atëherë kjo do të çonte në ndryshime”.

“Vuçiqit i pëlqen të ulet në katër karrige në të njëjtën kohë. Ai kërkon para nga BE-ja, dollarë nga SHBA, por mbi të gjitha kërkon investime kineze dhe armë ruse”, ka thënë Kurti.

- Advertisement -spot_img

Me te lexuarat...

- Advertisement -spot_img

Lajmet tjera...