17/06/2024

Kurti: Sukseset e Policisë së Kosovës për rend e ligj në komunat veriore janë mahnitëse

të fundit...

- Advertisement -spot_img

Kryeministri i Kosovës, Albin Kurti, bashkë me ministrin e Punëve të Brendshme, Xhelal Sveçla, ka vizituar pjesëtarët e Policisë së Kosovës në Kampin Belvedere në Mitrovicë.

Ai ka deklaruar se aty është njoftuar për aksionet e Policisë dhe ka shtuar se sukseset e tyre për kushtetueshmëri në katër komunat veriore, janë mahnitëse.

Shefi i ekzekutivit ka thënë se mbështetja e Qeverisë për Policinë e Kosovës është e garantuar.

“Pasditen e kalova sot në Mitrovicë. Nga palestra ‘Minatori” e demonstrimit të vajzës sonë të artë në xhudo, Majlinda Kelmendi, te oficerët tanë të çeliktë në Kampin e Policisë në Belvedere. U njoftova për aksionet e operacionet, aktivitetet e të arriturat e Policisë së Kosovës. Sukseset e tyre për rend, ligj dhe kushtetutshmëri në katër komunat tona në veri të vendit janë mahnitëse”, ka shkruar Kurti në një postim në Facebook.

“Motivimi e morali i tyre janë të lartë kurse profesionalizmi dhe disiplina e pashoq. Mbështetja e jonë për ta është e garantuar”, ka shkruar kryeministri Kurti.

- Advertisement -spot_img

Me te lexuarat...

- Advertisement -spot_img

Lajmet tjera...