Presidenti francez Emmanuel Macron u ka bërë thirrje liderëve evropianë, gjatë një takimi në Shqipëri, që të tregojnë të njëjtin angazhim për Gazën si për Ukrainën.
“Shumica e njerëzimit po na shikon dhe ndonjëherë nuk e kupton çfarë po bëjmë për Ukrainën, por ne duhet të shpjegojmë,” tha ai të premten.
“Ata nuk na kuptojnë fare për Ukrainën kur ne heshtim për Gazën. Na thonë: ‘Është e çuditshme. Na thoni se jeta jonë është në rrezik kur cenohet sovraniteti territorial, dhe mbyllni sytë kur ndodh një masakër,’” shtoi Macron.
“Nuk po krahasoj asgjë. I njoh historitë. Por dua vërtet që të zgjohemi kolektivisht për koherencën që duhet të kemi në këtë çështje.”
