17/06/2024

Mali heq frëngjishten si gjuhë zyrtare

të fundit...

- Advertisement -spot_img

Me Kushtetutën e re, Mali ka hequr dorë nga frëngjishtja, e cila ka qenë gjuhë zyrtare që nga viti 1960, transmeton Anadolu.

Sipas Kushtetutës së re të miratuar me shumicë dërrmuese prej 96,91 për qind të votave në referendumin e 18 qershorit, frëngjishtja nuk është më gjuha zyrtare në Mali.

Frëngjishtja do të jetë tani e tutje gjuha e punës dhe 13 gjuhët kombëtare që fliten në vend do të marrin gjithashtu statusin e gjuhës zyrtare.

Rreth 70 gjuhë lokale fliten në Mali dhe disave prej tyre, duke përfshirë gjuhët Bambara, Bobo, Dogon dhe Minianka, iu dha statusi i gjuhës kombëtare sipas një dekreti të vitit 1982.

Presidenca e Malit njoftoi se udhëheqësi i juntës së Malit, koloneli Assimi Goita, vuri në fuqi Kushtetutën e re të vendit, duke shënuar fillimin e Republikës së Katërt në Mali.

Që nga marrja e pushtetit përmes një grusht shteti në gusht të vitit 2020, ushtria e Malit ka pohuar se Kushtetuta do të jetë kritike për rindërtimin e vendit.

Junta ushtarake fillimisht kishte premtuar mbajtjen e zgjedhjeve në shkurt 2022, por më vonë i shtyu ato për në shkurt 2024.

- Advertisement -spot_img

Me te lexuarat...

- Advertisement -spot_img

Lajmet tjera...