19/06/2024

Mediumi boshnjak “Istraga”: Milan Radojiçiq është plagosur gjatë sulmit terrorist në Veri

të fundit...

- Advertisement -spot_img

Mediumi boshnjak “Istraga” raporton se nënkryetari i Listës Serbe, Milan Radojiçiq, është në mesin e sulmuesve të plagosur në Banjskë të Zveçanit.

Milan Radojiçiq i cili prej kohësh është i kërkuar nga autoritetet e Kosovës dhe në listë të zezë të Amerikës, ndodhet në Serbi dhe po trajtohet në spital, sipas mediumit “Istraga”.

Mediumi raporton se në disa raste ka tentuar të kontaktojë me Radojiçiqin, por fillimisht një person i panjohur i cili është përgjigjur në telefonin e tij ka thënë se “nuk është Radojiçiq”, ndërsa më pas, i njëjti person ka pohuar se Radojiçiq është mirë.

Ministri i Punëve të Brendshme, Xhelal Sveçla, konfirmoi sot se në automjetet që u sekuestruan në Banjskë janë gjetur edhe dokumente të Milan Radojiçiqit.

“Në këto materiale, poashtu kemi gjetur dokumente të kriminelit që poashtu është në listën e zezë të ShBA’së, Milan Radojicic, dokumente këto që dëshmojnë lidhjen apo pjesëmarrjen e drejtpërdrejtë të tij në këtë aksion”, ka thënë Sveçla para gazetarëve teksa ka prezentuar armatimin që u kap dje në veri.

- Advertisement -spot_img

Me te lexuarat...

- Advertisement -spot_img

Lajmet tjera...