16/06/2024

Miratohet raporti përfundimtar për projektligjin e shëndetit riprodhues tash rradha i kalon Kuvendit

të fundit...

- Advertisement -spot_img

Komisioni për Shëndetësi dhe Mirëqenie Sociale, të martën ka miratuar raportin përfundimtar për Projektligjin e Shëndetit Riprodhues dhe Fertilizim të Asistuar Mjekësor.

Vendimi është marrë me pesë vota për dhe një votë kundër, e cila ka ardhur nga deputetja e Lëvizja Vetëvendosje, Labinotë Demi-Murtezi.

Kryetarja e Komisionit, Fatmire Kollçaku, ka deklaruar se të gjitha kushtet për procedimin e këtij projektligji janë përmbushur dhe tani Kuvendi i Kosovës ka detyrën për të vendosur nëse do ta miratojë apo jo këtë Projektligj.

Kollçaku ka shtuar se komisioni ka bërë një punë të kujdesshme në hartimin e këtij ligji dhe se shpreson që ai do të sjellë përparim në fushën e shëndetit riprodhues dhe fertilizimit të asistuar mjekësor.

Tani, me miratimin e Komisionit, vjen radha e Kuvendit të Kosovës për të vendosur për këtë Projektligj për shëndetin riprodhues dhe fertilizimin e asistuar mjekësor.

Projektligji për shëndetin riprodhues dhe fertilizim të asistuar mjekësor ishte në shqyrtim prej muajit mars 2023 në Kuvend, ku disa herë është hedhur në votim mirëpo për të njëjtin nuk ka pasur vendimmarrje.

Ky projektligj për disa herë me radhë ka dështuar të miratohet për shkak të mungesës së votave dhe kuorumit për miratimin e tij.

Ky projektligj i cili ka ngritur debate disa herë në Kuvendin e Kosovës, ka dështuar tre herë që të miratohej nga deputetët, nga të cilët ka pasur edhe që e kanë kundërshtuar kalimin e tij, derisa në tetor të vitit 2023 kaloi në lexim të parë në Kuvendin e Kosovës./Telegrafi/

- Advertisement -spot_img

Me te lexuarat...

- Advertisement -spot_img

Lajmet tjera...