Pesë milionë: është një numër që shumica prej nesh vështirë se mund ta kuptojnë, veçanërisht kur flasim për vetura.
Megjithatë, Tesla, mundi që të arrijë këtë moment historik të dielën.
Deri më 17 shtator 2023, Tesla nxori në treg veturën e saj elektrike të pesëmiliontë – një numër që, dy dekada më parë, mund të dukej si një ëndërr në botën e automobilave.
Madje, pak mund të kishin parashikuar ndikimin që do të kishte ky fillim i veturave elektrike në industrinë e automobilave.
Pesëmbëdhjetë vjet më parë, ata zbuluan krijimin e tyre të parë – Roadster origjinal, shkruan Arena EV, transmeton Telegrafi.
Për të arritur shitjen e 1 milion veturave u deshën 12 vjet, një afat kohor që përfundoi në mars 2020.
Por më pas, ndodhi diçka e jashtëzakonshme. Ritmi u përshpejtua, Milioni i dytë u shfaq brenda 18 muajve. Njëmbëdhjetë muaj më vonë, milioni i tretë u arrit, dhe për të arritur shifrën 4 milionë u nevojiten vetëm shtatë muaj.
Nëse i keni ndjekur lajmet, Tesla tani është duke prodhuar dy milionë vetura në vit.
Dhe me shpejtësinë që po i rrisin gjërat, mund të vendosni një bast të sigurt se për shitjen e gjashtë milionë veturave mund të diskutohet nga fillimi i vitit 2024.
Tani, nëse po flasim për specifikat, njësia e artë pesë milionëshe nuk ishte tjetër veçse Tesla Model 3 Highland elegant, duke shfaqur një Pearl White me klasë. /Telegrafi/
