Kanceri i gjirit sot është ndër kanceret më të përhapura e që fillon që në indet e tij.
Statistikat tregojnë se 1 në 8 femra preken nga ky lloj kanceri mirëpo mund të paraqitet edhe te meshkujt por në shkallë më të ulët 1 në 100.
Moshat më të prekura janë mbi 50 vjeç mirëpo nuk duhet të injorohen edhe femrat në moshë më të re.
Kanceret ne gji zbulohen me mamografi.
Kanceri i hershëm (në faza fillestare) zakonisht nuk shkakton simptoma, kështu që preferohet kontrollim i kohëpaskohshëm i gjinjve.
Simptomat kryesore:
- Gjendër e fortë, e palëvizshme, zakonisht pa dhembje.
- Ndryshim në formë, madhësi ose në pamje.
- Rjedhje e lëngut nga maja e gjirit-mund të jetë: me gjak, ngjyrë ndryshku. Nderkaq, lengu i verdhë, i gjelbër, zakonisht paraqiten te pezmatimet e gjirit;
Simptomat e tjera : dhembja e gjirit, irritimi i lëkurës së gjirit, ënjtja e krahut a e qafës (limfadenopatia metastatike ne sqetull a qafe), humbja në peshë, etj.
