NATO dëshiron që Gjermania të kontribuojë me rreth 40,000 trupa shtesë, për të forcuar mbrojtjen kundër Rusisë.
Raportet që vijnë nga Bloomberg dhe Reuters, pohojnë se aleanca e mbrojtjes është shqetësuar për armiqësinë e shtuar ruse dhe po kërkon të forcojë mbrojtjen e saj, transmeton Telegrafi.
Shifrat e sakta për objektivat e NATO-s – qoftë në përgjithësi ose vend pas vendi – janë të vështira për t’u verifikuar pasi informacioni është i klasifikuar.
Por një zyrtar i lartë ushtarak i tha Reuters, se objektivi për numrin total të brigadave që aleatët e NATO-s do të duhet të ofrojnë në të ardhmen do të rritet në midis 120 dhe 130.
Dhe një zyrtar tjetër i NATO-s i tha Bloomberg, se aleanca “po vendos objektiva të reja ambicioze të aftësive për aleatët”.
Në vitin 2021, Gjermania pranoi të ofrojë 10 brigada – njësi që zakonisht përbëhen nga rreth 5,000 trupa – për NATO-n deri në vitin 2030.
Aktualisht ka tetë brigada dhe po ndërton një të nëntë në Lituani për të qenë gati nga viti 2027. /Telegrafi/
