Lideri i “Forza Italia”, Silvio Berlusconi ka vdekur në spitalin San Raffaele në Milano në moshën 86-vjeçare.
Biznesmeni miliarder, i cili krijoi kompaninë më të madhe mediatike të Italisë kishte pësuar disa periudha të sëmundjes në muajt e fundit.
Berlusconi erdhi për herë të parë në detyrë në vitin 1994 dhe drejtoi tri qeveri deri në vitin 2011.
I lindur në Milano në vitin 1936 në një familje të klasës së mesme, Berlusconi filloi karrierën e tij të biznesit në zhvillimin e pronave përpara se të vazhdonte të themelonte Mediaset, transmetuesin më të madh komercial të Italisë. Ai gjithashtu zotëronte klubin e futbollit AC Milan midis 1986 dhe 2017.
