22/06/2024

Ndalohen për 48 orë edhe vëllezërit e të riut që u vra dje në Malishevë

të fundit...

- Advertisement -spot_img

Një konflikt mes dy familjeve Gashi dhe Krasniqi në komunën e Malishevës, dje përfundoi tragjikisht. Për shkak të një mosmarrëveshje që dyshohet se lidhet me një borxh, 30-vjeçari, Shkodran Krasniqi, u qëllua për vdekje nga njëri prej anëtarëve të familjes Gashi, raporton Gazeta Sinjali.

Katër vëllezërit Gashi, Kastrioti, Fatmiri, Xhaviti dhe Asdreni janë ndaluar dje për 48 orë, teksa të dyshuar janë edhe vëllezërit e vitimës, Qendrim Krasniqi, Labinot Krasniqi dhe Dardan Krasniqi, të cilët gjatë ditës së djeshme janë ruajtur nga Policia, në shtëpinë e tyre në Bubavec.

Sipas informacioneve të cilat posedon Sinjali, tashmë vëllezërit Krasniqi me vendim të prokurorit janë dërguar në mbajtje, teksa është arrestuar edhe personi i tetë i dyshuar.

Burimet brenda Prokurorisë bëjnë me dije se bëhet fjalë për Arsim Morinën, i cili po ashtu është ndaluar për 48 orë.

Lidhur me rastin, njësitë policore kanë kryer edhe bastisje, teksa është sekuestruar një armë zjarri dhe një automjet.

Raportimin e Sinjalit e ka konfirmuar zëdhënësi i Policisë Rajonale të Gjakovës, Sheremet Elezaj.

“Sot rreth orës 13:30 kemi pranuar informatë se një person mashkull i moshës madhore  është dërguar në QKMF Malishevë, dyshohet të jetë qëlluar me armë zjarri në fshatin Balincë-Malishevë. Personeli mjekësor ka konstatuar vdekja e tij.  Njësitet e nevojshme policore ju kanë përgjigjur rastit si dhe është njoftuar prokurori i shtetit i cili ka dalë në vendin e ngjarjes, në konsultim me të cilin janë duke u ndërmarrë të gjitha veprimet e nevojshme hetimore. Deri më tani lidhur me rastin janë arrestuar katër persona të cilët dyshohen të jenë të përfshirë në rast, si dhe është konfiskuar një armë”, tha Elezaj  dje.

Shënim: Personat e apostrofuar në këtë artikull prezumohen të pafajshëm derisa fajësia e tyre të mos provohet me vendim të formës së prerë nga gjykata.

- Advertisement -spot_img

Me te lexuarat...

- Advertisement -spot_img

Lajmet tjera...