Kryeministri në detyrë, Albin Kurti, është larguar pak minuta më parë nga Kuvendi i Kosovës, pas dështimit për të zgjedhur kryetarin e ri të Kuvendit.
I pamundur për të siguruar votat e mjaftueshme, Kurti është parë teksa largohej drejt ndërtesës së Qeverisë, pa dhënë asnjë deklaratë për mediat.
Para largimit, ai ka bërë një përshëndetje të shkurtër dhe formale me dy ministrat në detyrë, Faton Peci dhe Donika Gërvalla, duke mos komentuar situatën politike apo hapat e ardhshëm.
Ndërkohë, seanca e radhës për zgjedhjen e kryetarit të Kuvendit është caktuar të mbahet të mërkurën, në ora 10:00. /IndeksOnline/
