17/06/2024

Nxjerrja ilegale e zhavorrit, vazhdon sekuestrimi i makinerive

të fundit...

- Advertisement -spot_img

Prokuroria Themelore në Gjakovë ka njoftuar për vazhdimin e sekuestrimit të mjeteve që ishin përdorur nga kompani që jashtëligjshëm kishin nxjerrë zhavorr përgjatë shtratit të lumit Drini i Bardhë.

Prokuroria ka thënë se ka sekuestruar një kamion transportues, tre ekskavatorë dhe një seperacion me të gjitha pajisjet përcjellëse, me të cilat është kryer nxjerrja ilegale e zhavorrit.

“Prokurori koordinator për hetimin e Krimeve Kundër Mjedisit, ka urdhëruar inicimin e rastit për veprën penale ‘Ndotja, degradimi ose shkatërrimi i mjedisi’, nga neni 338 i KPRK-së. Prokuroria njofton se aksioni për sekuestrimin e mjeteve të përdorura në aktivitete e paligjshme do të vazhdojë deri në kapjen e të gjitha mjeteve dhe personave përgjegjës. Prokuroria e njofton opinionin publik se mbetet e përkushtuar maksimalisht në luftimin e dukurive të tilla të kundërligjshme që degradojnë ambientin”, ka njoftuar Prokuroria.

Operacioni ishte zhvilluar në disa fshatra të Gjakovës dhe të Rahovecit.

Aksioni nuk kishte rezultuar me arrestimin e ndonjë personi, por gjatë tij janë sekuestruar makineri të cilat janë përdorur për ta kryer aktivitetin ilegal.
- Advertisement -spot_img

Me te lexuarat...

- Advertisement -spot_img

Lajmet tjera...