Kancelari gjerman Olaf Scholz do të dëshmojë para ligjvënësve të premten mbi rolin e tij si kryebashkiak i Hamburgut në trajtimin e një mashtrimi taksash prej miliarda eurosh.
Ky është një rast që kërcënon ta njollosë atë edhe kur ai lufton me kriza në fronte të shumta, raportoi Reuters të premten.
Në skemën e heqjes së dividentëve, bankat dhe investitorët do të tregtonin me shpejtësi aksionet e kompanive rreth ditës së tyre të pagimit të dividendit, duke mjegulluar pronësinë e aksioneve dhe duke lejuar palët e shumta të rikuperojnë në mënyrë të rreme zbritjet tatimore për dividentët.
Zbrazëtira, tashmë e mbyllur, mori një dimension politik në qytetin port verior të Hamburgut, për shkak të ngadalësisë së autoriteteve nën kryesinë e Scholz-it për të kërkuar ripagimin e miliona eurove të fituara sipas skemës nga banka e rëndësishme lokale “Warburg”.
Warburg, i cili luan një rol të madh në qytetin e dytë më të madh të Gjermanisë, përfundimisht pagoi faturën e taksave prej 50 milionë euro pasi ministria federale e Financave ndërhyri.
