19/04/2024

Osmani: Askush nuk ka kërkuar që mos të zbatohet rregullorja e BQK-së

të fundit...

- Advertisement -spot_img

Presidentja e vendit, Vjosa Osmani është deklaruar për procesin e dialogut Kosovë – Serbi.

Ajo ka thënë se Kosova nuk ik nga obligimet dhe se zbaton marrëveshjet e arritura, transmeton Telegrafi.

“Ne duhet t’i bindim partnerët tanë se nuk ikim nga obligimet tona, kur marrim përsipër diçka e zbatojmë, kurse ajo çfarë bën Serbia është krejtësisht e kundërta, pajtohet për marrëveshje, pastaj pas 24 orëve tregojnë se nuk do t’i zbatojnë. Presioni duhet të jetë në Beograd”, theksoi presidentja.

Kurse, sa i përket rregullores së re të Bankës Qendrore të Kosovës, Osmani tha se askush nuk po kërkon që ajo rregullore të mos zbatohet.

“Kjo çështja e dinarit nuk është çështje dinarit fare sepse askush nga aleatet tanë nuk është duke kërkuar që të zbatohet dinari ta them këtë qartë. Askush nuk ka kërkuar që të mos zbatohet rregullorja e BQK apo të shfuqizohet ajo, e tëra që po kërkohet që të ndërtohet një plan tranzicioni që i merr parasysh nevojat e qytetareve të rëndom, të rinj e të moshuar, që marrin edhe ndihmë financiare nga Serbia nëpërmjet pensioneve. Kjo çështje mund të zgjidhet këtu në Kosovë, në fakt nuk është dashur të bëhet çështje fare se nuk është dashur të krijohet si përplasje me aleatet tanë fare”

Presidentja Osmani gjithashtu bëri të ditur se sot do të takohet edhe me ministrin e Mbrojtjes, Ejup Maqedoncin, duke shtuar se qytetarët duhet të ndihen të qetë dhe të sigurt. /Telegrafi/

- Advertisement -spot_img

Me te lexuarat...

- Advertisement -spot_img

Lajmet tjera...