Gjykata themelore e Prishtinës prej tri ditësh është duke u përballë me mungesë të ujit të pijshëm.
Sipas kësaj gjykate kjo situatë ka vështirësuar punen gjatë këtyre ditëve.
“Po ashtu vë në rrezik shëndetin e gjyqtarëve, stafit administrativ, të cilët pavarësisht kësaj gjendje të rëndë e cila është duke mbizotëruar në tërë objektin e gjykatës, të njëjtit janë duke vazhduar të punojnë”, thuhet në njoftim.
Tutje Gjykata Themelore e Prishtinës kërkon nga autoritetet kompetente që të angazhohen në zgjidhjen e kësaj çështjeje dhe të marrin masa të menjëhershme për të furnizuar me ujë objektin e kësaj gjykate.\Gazeta Blic\
