Kryeministri i vendit, Albin Kurti, ka njoftuar se Përfaqësuesit të Lartë të BE-së, Josep Borrell dhe të Dërguarit për Dialogut, Miroslav Lajçak, ia ka prezantuar një plan pesëpikësh për shtensionimin në veri.
Ndër pikat e prezantuara nga Kurti janë që Qeveria e Kosovës të ketë koordinim me të gjithë akterët dhe të shpallen zgjedhjet e parakohshme në katër komunat në veri.
Kreu i qeverisë tha se, sot ka zhvilluar bisedesë në mesditë me Borrellin, Lajçakun e ambasadorin e ShBA-së, Jeffrey Hovenier.
Ai ka thënë se me bisedat e bëra por edhe propozimin e dhënë synohet që të ketë deeskalim dhe normalizim të situatës në pjesën veriore të vendit.
Më poshtë i gjeni pesë pikat e propozuara nga Kurti:
1. Sundimi i ligjit në katër komunat veriore dhe identifikimi dhe ndjekja e atyre që kanë sulmuar policinë, KFOR-in dhe gazetarët.
2. Grupet e dhunshme të tërhiqen menjëherë nga territori i Kosovës.
3. Policia e Kosovës, KFOR-i dhe EULEX-i të kreyjnë vlerësime të përbashkëta të sigurisë çdo 15 ditë.
4. Qeveria e Kosovës do të koordinohet me të gjithë akterët dhe do të shpallë zgjedhje të parakohshme në katër komunat veriore, që do të mbahen në atmosferë të lirë dhe demokratike.
5. Kosova dhe Serbia kthehen menjëherë në dialog në të cilin BE-ja siguron zbatimin e marrëveshjes së arritur si dhe në javën që vjen të organizohet takim i nivelit të lartë.
Burimi: klankosova/Besnik Tahiri
