Drejtori i të ashtuquajturës Zyra për Kosovën në Qeverinë serbe, Petar Petkoviq, ka reaguar ndaj deklaratës së ministrit për Komunitete dhe Kthim në Qeverinë e Republikës së Kosovës, Nenad Rashiq, se themelimi i Asociacionit do t’i shuajë institucionet e Serbisë në Kosovë.
Përmes një postimi në platformën X [ish-Twitter], Petkoviq ka thënë se Rashiq me urdhër të Kurtit kërkon në çdo mënyrë ta bëjë të pakuptimtë Asociacionin.
“Ministri i Kurtit, Rashiq, kërkon në çdo mënyrë ta bëjë të pakuptimtë ‘asociacionin’, me urdhër të shefit të tij dhe asgjë nuk kuptohet në dialog!
Më tej, Petkoviq është shprehur se marrëveshja e vitit 2013 dhe 2015 parasheh vazhdimin e funksionimit të të gjitha institucioneve serbe, për të cilat thotë se do të mbrohen nën ombrellën e Asociacionit.
“Marrëveshja e vitit 2013 dhe 2015 parasheh vazhdimin e funksionimit të të gjitha institucioneve serbe të cilat për dallim nga situata aktuale do të mbrohen nën ombrellën e Asociacionit. Ministri i Kurtit vazhdon të shpikë, sepse vetëm kaq di”, shkroi Petkoviq.
