24/04/2024

Presidenti i Iniciativës Kombëtare Palestineze bën thirrje për armëpushim të plotë në Palestinë

të fundit...

- Advertisement -spot_img

Thirrja për një pauzë të operacioneve ushtarake në zonat e Gazës veriore “nuk është e mjaftueshme”, sipas Mustafa Barghouti, një mjek dhe president i Iniciativës Kombëtare Palestineze, i cili i tha CNN se nuk sheh asnjë shpresë për popullin e Gazës pa një “armëpushim të plotë dhe total”.

“Shtetet e Bashkuara po mbështesin plotësisht Izraelin dhe nuk po mbajnë një qëndrim neutral dhe në këtë rast, për fat të keq, ShBA-ja vazhdon të mbështesë atë që duan izraelitët – dhe ajo që ne nuk duam të shohim është vazhdimi i spastrimit etnik të veriut të Gazës si dhe qytetit të Gazës”, i tha Barghouti CNN-it.

Shtëpia e Bardhë tha të enjten se Izraeli kishte rënë dakord të ecë përpara me pauzat e përditshme katër-orëshe të operacioneve ushtarake në zonat e Gazës veriore, një lëvizje që duket se zyrtarizon një model të ndalimit të dhunës për të lejuar ndihmat humanitare të derdheshin në enklavë dhe lejojnë civilët të ikin nga luftimet, raporton CNN.

Kryeministri izraelit Benjamin Netanyahu ka këmbëngulur se nuk do të ketë “armëpushim” pa lirimin e pengjeve të mbajtura nga Hamasi.

“Izraeli nuk po sulmon vetëm Hamasin, ai po sulmon të gjithë palestinezët”, tha Barghouti.

“Nëse ato (forcat izraelite) lëvizin në jug, ata do të bombardohen në jug – 49 për qind e palestinezëve të vrarë, kryesisht civilë, u vranë në jug”, tha ai, duke shtuar se ai nuk sheh “asnjë shpresë nëse nuk ka një armëpushim total dhe i plotë”.

- Advertisement -spot_img

Me te lexuarat...

- Advertisement -spot_img

Lajmet tjera...