18/05/2024

Protestuesit hedhin molotovë dhe vezë para Bashkisë së Tiranës, kërkojnë dorëheqjen e Veliajt

të fundit...

- Advertisement -spot_img

Është përshkallëzuar protesta para bashkisë së Tiranës. Protestuesit kanë hedhur sërish molotovë në derën e Bashkisë dhe kanë gjuajtur me vezë e mollë.

Ata kërkojnë dorëheqjen e kryebashkiakut Erjon Veliaj, pas akuzave për korrupsion të 5 drejtorëve të këtij institucioni.

Protesta e sotme është thirrur nga “Aleanca për Mbrojtjen e Teatrit”, ndërkohë që Policia e Shtetit ka marrë masa për mbarëvajtjen e saj, duke bllokuar edhe qarkullimin në bulevardin kryesor.

Mësohet se gjatë protestës një prej efektivëve të policisë ka humbur ndjenjat. Gjatë hedhjes së molotovëve policia bënte thirrje me megafon për qetësi.

Para nisjes së protestës policia u bëri thirrje organizatorëve, drejtuesve dhe pjesëmarrësve në protestë për të respektuar ligjin dhe për t’u distancuar nga çdo akt dhune. /Telegrafi/

- Advertisement -spot_img

Me te lexuarat...

- Advertisement -spot_img

Lajmet tjera...