15/06/2024

Shqiprim Arifi njofton se nuk do të kandidojë më për postin e kryetarit të partisë Alternativa

të fundit...

- Advertisement -spot_img

Shqiprim Arifi ka njoftuar se mu nuk do të kandidojë për postin e kryetarit të partisë Alternativa.

Ai thotë se pas dy mandateve si kryetar, partia Alternativa për Ndryshim është partia më e fuqishme në Luginën e Preshevës, transmeton Telegrafi.

“Të dashur vëllezër dhe motra, aapo përfundoi mbledhja e gjithë strukturës së ALTERNATIVËS, me kryetarët e nëndegave, kryesinë e përgjithshme dhe këshilltarët e Kuvendit Komunal. I njoftova të gjithë zyrtarisht se pas vendimit të para dy javëve, për t’i shpallur zgjedhjet e brendshme në parti, me të cilën përfundon edhe mandati im i dytë, me plot dëshirë dhe vullnet për të respektuar statutin e partisë (i cili e kufizon mandatin për kryetar të partisë në maksimum 2 mandate) NUK do të kandidojë më për postin e kryetarit të partisë”, ka shkruar ai në Facebook.

Tutje, ai ka pohuar se për të ka qenë një rrugëtim i paprecedent në jetën time.

“Një histori e suksesit, pasi sot, ALTERNATIVA për Ndryshim është partia më e fuqishme në Luginë të Preshevës. ALTERNATIVA është afirmuar në të gjitha trojet shqiptare, fituese e të gjitha zgjedhjeve në 8 vitet e fundit, një parti e të rinjëve dhe të rejave, një parti që filloi projektet më vitale në qytetin e Preshevës, që ka punësuar mbi 500 qytetarë në 8 viteve të fundit dhe një parti që ka sjellë shumë DASHURI për çdo shqiptar në Preshevë dhe në gjithë trojet anembanë”, ka deklaruar ai.

Më tej, ai ka falënderuar votuesit dhe mbështetësit e tij.

“Nga zemra dua të falënderoj të gjithë strukturën e gjerë, duke filluar nga votuesit, mbështetësit, aktivistët, nëndegët, këshilltarët e gjitha Kuvendeve, Kryesinë e Përgjithshme dhe çdo dashamirë të rrugëtimit të përbashkët për NDRYSHIM.Veçanërisht, dua të falënderoj përzemërsisht familjen time, e cila ka treguar durim të madh si dhe ka qenë mbështetja ime më e fortë në rrugëtimin tim politik”.

Po ashtu, Ariifi ka shkruar edhe për partitë tjera politike, që sipas tij, kanë mundësuar rritjen e Alternativiës. me nivelin e tyre siç thotë ai të ulët.

“Dua të falënderoj edhe partitë e tjera politike, të cilat na kanë mundësuar duke kontribuar me nivelin e tyre të ulët, që votuesit të bëjnë dallimin mes neve dhe atyre, nga politikat e interesave personale të partive të vjetra, në politikë të ndershme dhe pa interesa personale të ALTERNATIVËS. Shumë dashuri dhe respekt pafund për të gjithë, edhe për ata që na kanë urryer dhe që na kanë luftuar padrejtë, madje edhe duke shpifur në forma të ndryshme. Sepse, pa ju nuk do të ishte ALTERNATIVA, kjo që është sot”.

- Advertisement -spot_img

Me te lexuarat...

- Advertisement -spot_img

Lajmet tjera...