Prodhimi i Toyota-s mund të mos ketë arritur rekordei të reja këtë vit, por askush nuk mund të krahasohet me të.
Gjigantët amerikanë u larguan shumë kohë më parë nga loja dhe tani më në fund iu desh të “kapitullonte” edhe Volkswagen. Ishte tashmë e dukshme vitin e kaluar, kur gjigandi gjerman i dha përparësi fitimit dhe hoqi dorë publikisht dorë prej titullit të prodhuesit më të madh në botë.
Në 11 muajt e parë të këtij viti, prodhuesi japonez së bashku me Lexus prodhuan 9.23 milionë dhe shitën 9.36 milionë automjete.
Këtë vit ka pasur një rimëkëmbje të tregut dhe zinxhirëve të furnizimit, ndaj Toyota thotë se do ta kalojë shifrën e dhjetë milionëve pa probleme të mëdha.
Kjo nuk është aspak befasuese, duke qenë se vetëm muajin e kaluar ata kanë përfunduar me 926.573 automjete të prodhuara, prej të cilave 314.917 janë prodhuar në Japoni. Ky është rezultat i rritjes së fortë të kërkesës, veçanërisht në Japoni, ku shitjet u rritën me 27.1 për qind.
Sa i përket shitjeve, Toyota pati rezultatin më të mirë në vitin 2019, kur shiti 9,714,253 automjete në mbarë botën. Në pandeminë e vitit 2020, shitjet ranë nën nëntë milionë, vetëm për të filluar rimëkëmbjen më pas. /Telegrafi/
