Zëvendëskryeministri i Qeverisë së Republikës së Maqedonisë së Veriut, përgjegjës për çështje ekonomike, koordinim me resorët ekonomikë dhe investimet, Fatmir Bytyqi deklaroj se pensionistët do të përfshihen në pakon e re të masave kundër krizës, ashtu siç u përfshinë vitin e kaluar dhe në fillim të këtij viti përmes pakos së energjisë që iu ofrua.
“Ne kemi një ligj me të cilin rregullojmë pensionet dy herë në vit, me një metodologji të caktuar që është e përshtatshme dhe jep rezultate. Gjithashtu, me miratimin e ligjit të ri për pensionin minimal do të përmbyllim të gjithë procesin e reformës dhe do të lëmë anash problemin e pensionistëve. Me këtë Qeveria e ardhshme nuk do të merret me këtë problem”, tha Bytyqi.
