Ditët e fundit, ushtria izraelite ka intensifikuar sulmet në qytetin Khan Younis, për të cilin më parë pretendonte se ishte një “rajon i sigurt”, ndërsa në fillim të muajit të kaluar e shpalli atë “zonë lufte”
Ushtria izraelite ka bërë të ditur se trupat e saj tokësore kanë vënë nën rrethim qytetin Khan Younis, vendbanimin më të madh në jug të Rripit të Gazës, transmeton Anadolu.
Ditët e fundit, ushtria izraelite ka intensifikuar sulmet në qytetin Khan Younis, për të cilin më parë pretendonte se ishte një “rajon i sigurt”, ndërsa në fillim të muajit të kaluar e shpalli atë “zonë lufte”.
Ditët e fundit, Khan Younis ka qenë objektiv i sulmeve të ashpra izraelite nga toka, ajri dhe deti.
“Forcat izraelite kanë kryer sulme në shkallë të gjerë në 24 orët e fundit dhe Khan Younis është i rrethuar nga trupat tokësore”, thuhet në deklaratën e ushtrisë izraelite.
Khan Younis gjithashtu ishte një strehë për dhjetëra mijëra palestinezë që muajt e fundit u larguan nga veriu i Rripit të Gazës. Tani ata përsëri janë të detyruar të kërkojnë një vend më të sigurt dhe u drejtuan në jug drejt qytetit Rafah.
Po ashtu edhe Rafah tashmë është arenë e një krize humanitare të shkaktuar nga fluksi i refugjatëve nga veriu, kështu që aktualisht ka 1.2 milionë banorë që është katër herë më shumë se popullsia e saj para fillimit të sulmeve izraelite.
Për shkak të infrastrukturës së pamjaftueshme, refugjatët në Rafah kryesisht jetojnë në vendbanime të përkohshme me tenda.\AA\
