18/10/2024

BE-ja e shqetësuar për dorëheqjen e policëve serbë

të fundit...

- Advertisement -spot_img

Bashkimi Evropian ka shprehur shqetësimin lidhur me dorëheqjen e policëve serbë nga Policia e Kosovës.

Nga BE kanë deklaruar se, pjestarët serbë të Policisë së Kosovës luajtën një rol në sigurinë e komunitetit të tyre.

“Deklarata u tregoi të dyja palëve përgjegjësi të qarta për de-përshkallëzimin me synimin për të organizuar zgjedhje të parakohshme lokale gjithëpërfshirëse në të katër komunat sa më shpejt të jetë e mundur me pjesëmarrjen e serbëve të Kosovës pa parakushte. Në këtë kontekst, BE-ja është thellësisht e shqetësuar për dorëheqjen e nëntë serbëve të Kosovës të saporekrutuar nga Policia e Kosovës. Përbërja e Policisë së Kosovës duhet të reflektojë dhe përfaqësojë shoqërinë të cilës i shërbejnë dhe mbrojnë. Pjesëtarët joshumicë të Policisë së Kosovës kanë një rol për të luajtur duke kontribuar në sigurinë e komunitetit të tyre përmes policimit të orientuar drejt komunitetit”, kanë thënë nga BE.

Krahas kësaj, të njëjtit kanë dënuar trysninë psikologjike dhe kërcënimet ndaj pjestarëve serbë, duke përfshirë këtu edhe deklaratat e kësaj natyre nga akterët e lidhur me Serbinë.

“Ne dënojmë presionin psikologjik, frikësimin dhe kërcënimet për hakmarrje ndaj pjesëtarëve serbë të Policisë së Kosovës, të cilat thuhet se kanë motivuar dorëheqjen e policëve të saporekrutuar. Çdo lloj sjelljeje frikësuese apo kërcënuese ndaj policëve serbë të Kosovës, duke përfshirë edhe aktorët e lidhur me Serbinë, është i papranueshëm dhe duhet të ndalet menjëherë. Çdo frikësim i tillë është kundër frymës së normalizimit të marrëdhënieve ndërmjet Kosovës dhe Serbisë”, thuhet në përgjigjen e BE-së.

Shtatë është numri zyrtar i policëve të rinj serbë që brenda javësh kanë hequr dorë nga uniforma e Policisë së Kosovës.

Largimi i tyre veç pak javë pas rekrutimit u pa me shqetësim nga ndërkombëtarët, bashkë me presidenten Vjosa Osmani e cila gishtin e drejtoi kah Beogradi, si nxitës i këtyre veprimeve.

- Advertisement -spot_img

Me te lexuarat...

- Advertisement -spot_img

Lajmet tjera...