Përfaqësuesi i Lartë i Bashkimit Evropian për Politikë të Jashtme dhe Siguri, Josep Borrell, ka thënë se Evropa është në rrezik dhe se plani evropian mund të dëmtohet nëse presidenti rus, Vladimir Putin, fiton në Ukrainë dhe “nëse vazhdon situata në Gaza”.
Këto deklarata, Borrell i dha përmes një postimi në llogarinë e tij zyrtare në rrjetin social X, transmeton Telegrafi.
“Evropa është në rrezik. Nëse e lëmë Putinin të fitojë në Ukrainë, nëse lejojmë që tragjedia e vazhdueshme të vazhdojë në Gaza, projekti evropian mund të dëmtohet në mënyrë të pakthyeshme”, deklaroi ai.
