14/06/2024

Civilët në Gaza thonë se e kanë të pamundur të gjejnë një vend të sigurt për strehim

të fundit...

- Advertisement -spot_img

Forcat e Mbrojtjes së Izraelit u kanë thënë civilëve në Gaza që të largohen nga pjesa veriore pasi do të vazhdojnë të godasin objektivat e Hamasit në veri. Por shumë nga njerëzit që e ndoqën atë urdhër evakuimi e kanë të pamundur të gjejnë një vend të sigurt për të qëndruar.

Hala Bin Naeem është nga Beit Hanoun, një qytet në cepin verilindor të Rripit të Gazës. Ajo dhe familja e saj u larguar nga shtëpia e tyre kur Hamasi nisi sulmet e tij ndaj Izraelit më 7 tetor duke u strehuar në kampin e refugjatëve Deir al-Balah.

Kampi shtrihet në jug të Wadit në Gaza, brenda zonës ku IDF-ja udhëzoi njerëzit të evakuoheshin. Por ata nuk mund t’i shpëtonin rrezikut. Bin Naeem tha se dy nga kunatat e saj u vranë në një sulm më 11 tetor kurse mbesa dhe motra e saj u plagosën.

“Ne jetonim në paqe. Papritmas dëgjuam shumë zhurmë. Ne jetonim të sigurt, por papritur gjithçka ndryshoi dhe u përmbys”, ka thënë 13-vjeçarja për CNN-in.

Dëshmitarët okularë kanë thënë për CNN se zona e Deir al-Balah u bombardua të premten mbrëma, së bashku me vende të tjera në Gazan qendrore.

“Shkuam edhe në shkolla dhe situata është bërë e rrezikshme dhe bëhet ende më e rrezikshme dita-ditës. Jemi vërtet shumë të frikësuar dhe i nënshtrohemi shumë rreziqeve. Kështu që shpresoj që lufta të përfundojë dhe të jetojmë një jetë normale”, tha Bin Naeem.

Situata në kamp është e rëndë, tha 13-vjeçarja.

“Nuk ka ujë, por ne përpiqemi të zgjidhim një sasi të vogël uji për të pirë fëmijët e vegjël … presim pesë deri në shtatë orë në furrë për të blerë bukë për të ngrënë. Situata përkeqësohet çdo ditë. Kështu që uroj që lufta të përfundojë”, shtoi ajo.\Mesazhi.com\

- Advertisement -spot_img

Me te lexuarat...

- Advertisement -spot_img

Lajmet tjera...