ILAÇI I BRENGAVE DHE I PIKËLLIMIT

Dr. Salih el Megamesi, Allahu e ruajttë, thotë: “Merrni nga unë këto dy këshilla, të cilat nuk dua t’i ruaj vetëm se për vete, vetja ime nuk do të jetojë përgjithmonë.

– Këshilla e parë:

Mos lejo të kalojë dita jote pa e thënë këtë lutje:

‘All-llahume in-ni eudhu bike minel hem-mi ve huzni, vel axhzi vel keseli vel buhli vel xhubni, ve dale’id dejni ve galebetir-rixhal.’

(O Allahu im, kërkoj mbrojtjen Tënde nga brengat dhe dëshpërimi, nga paaftësia dhe dembelia, nga koprracia dhe frika, nga zhytja në borxhe dhe mundimet prej njerëzve).
Kjo lutje me lejen e Allahut, Fisnikut, Bujarit, të Cilit syri nuk i fle, e largon çdo gjë që nuk mundet t’i përballojë shpirti.

– Këshilla e dytë:

Kur ndihesh i mposhtur dhe i mundur:

Kur ndien se i ke bërë gabim Allahut, dhe në atë momente, s’ke në dorën tënde asnjë mundësi diçka të veprosh.

Kur ndihesh i pamundur tërësisht, në çdo gjendje dhe në çdo rast.

E tëra ajo që duhet të veprosh janë dy:

1. Pikëllimin tënd dhe mposhtjen tënde, preokupoji me istigfar (kërkimfalje), i bindur plotësisht se do të vijë lirimi nga kjo gjendje.

Një nga lutjet e kërkimfaljes:

‘Estagfirull-llahe el-Adhim el-ledhi la ilahe il-la Huve. El Hajjul Kajjumu ve etubu ilejhi.’
(Kërkoj faljen e Allahut të Madhërishëm, e të Cilit nuk ka të adhuruar tjetër përveç Tij, që është i Gjallë përgjithmonë dhe Mbikëqyrës, i Përhershëm dhe vetëm tek Ai pendohemi).

2. Jep lëmoshë, qoftë ajo një euro, me bindje të plotë se Allahu me të do të ta largojë pikëllimin tënd dhe brengat e tua.

Në fund të ditës, mos shpreso diç tjetër, përveçse kënaqësisë dhe me të vërtetë do të kënaqesh: ‘E, sigurisht që Zoti yt do të të japë ty, sa të jesh i kënaqur.’ (Ed-Duha: 5)”

Nga arabishtja: Irfan JAHIU